Александр Меркель ұлттық құрамаға қайта оралғысы келеді
Александр Меркель. Фото: Getty Images
Иранның «Нассаджи Мазандаран» командасында доп теуіп жүрген жартылай қорғаушы Александр Меркель Sports24.kz сайтына берген сұхбатында Қазақстан құрамасына қайта қосылуға қарсы еместігін айтты.
«Мен ешқашан Қазақстан құрамасында ойнағым келмейді деп айтқан емеспін. Керісінше, әрдайым мұнда ойнауға ниетім болған», – дейді ол.
Бұл пікір оның ұлттық құрамаға қайта шақырылуы мүмкін деген әңгімелерді жандандырды. Себебі биылғы көктемде бас бапкер Әли Әлиев Қазақстанда туған тағы бір ойыншы – Георгий Жуковты шақырған болатын.
Александр Меркель 2015 жылы алғаш рет Исландиямен өткен жолдастық кездесуде ұлттық құрама жейдесін киген. 2019 жылы Михал Билек те оны шақырды, бірақ кейінірек қос азаматтыққа байланысты мәселе туындап, ол құрамадан тыс қалды. Қазақстан заңнамасы қос азаматтықты мойындамайды.
