Александр Бублик Шанхайдағы «Мастерс» турнирінің төртінші айналымына шықты
Қазақстандық теннисші Александр Бублик Қытайдың Шанхай қаласында өтіп жатқан ATP-1000 санатындағы турнирдің төртінші айналымына жолдама алды. Ол үшінші кезеңде америкалық Брэндон Накашимаға қарсы жеңіске жетті, деп хабарлайды Pin-UpSport.kz.
Кездесу 6:7 (тай-брейкте 7:9), 6:3, 7:6 (тай-брейкте 7:5) есебімен қазақстандық теннисшінің пайдасына аяқталды. Матч 2 сағат 27 минутқа созылды. Бублик 22 эйс жасап, екі рет қос қателік жіберді және өзі алған жалғыз брейк-пойнтты сәтті пайдаланды.
Келесі айналымда қазақстандық теннисші германиялық Александр Зверевпен кездеседі. Әлемдік рейтингте екінші орында тұрған Зверев турнирде бірінші нөмірмен тіркелген. Ол үшінші айналымда франциялық Кентен Галиді 6:4, 6:7 (тай-брейкте 8:10), 6:3 есебімен жеңді.
Енді Бублик Шанхайдағы турнирдің ширек финалына шығу үшін әлемдік теннистің үздік ойыншыларының бірімен күш сынасады.
