Әлімханұлы біріккен белбеулер жекпе-жегіне жақындап қалды
Жанибек Алимханулы. Фото: Getty Images
WBO және IBF тұжырымы бойынша әлем чемпионы Жәнібек Әлімханұлының менеджері Берік Сұлтан біріккен жекпе-жекке қатысты келіссөздер барысын айтты, деп хабарлайды Pin-UpSport.kz.
Оның сөзінше, команда кез келген шартқа дайын. «Біздің мақсат – тарихқа ену. Жәнібек төрт чемпиондық белбеуді иеленіп, қазақ баласының атын алтын әріппен жазуы керек. Біз тек осы оймен алға басып келеміз», – деді Сұлтан.
Менеджердің айтуынша, күтуге уақыт аз қалған. Егер келіссөздер нәтижесіз болса, Әлімханұлы міндетті түрде өз белбеулерін қорғауға тиіс. «Қорғай алмасақ, бұл да жаман болады. Сондықтан бұл мәселені де қадағалап отырмыз», – деп түйіндеді ол.
Айта кетейік, Жәнібектің келесі қарсыласы WBC чемпионы Карлос Адамес болуы мүмкін екені бұған дейін хабарланған.
