«Әл-Наср» Родригоны қатарға қосуды көздеп отыр
Фото: ISI Photos via Getty Images
Сауд Арабиясының «Әл-Наср» клубы жазғы трансфер науқанын қызу бастап, мадридтік «Реалдың» шабуылшысы Родригоны өз сапына қосуды жоспарлап отыр, деп хабарлайды Pin-UpSport.kz.
Sky Sports журналисі Саша Тавольеридің мәліметінше, клуб бразилиялық ойыншының агенттерімен байланыс орнатып, оған шексіз қаржылық ұсыныс жасаған. Бұл трансферге бастамашы болған — Криштиану Роналду. Ол Родригоны команда үшін басты трансферлік мақсат ретінде ұсынған.
Алайда 24 жастағы футболшы қазіргі таңда Сауд Арабиясына ауысуға қызығушылық танытпай отыр. Ол тек Англия Премьер-лигасына ауысу мүмкіндігін қарастыратынын аңғартты.
Соған қарамастан, «Әл-Наср» ұсынысынан бас тартпайды — бұл тек алғашқы қадам. Клуб Родригоны алу үшін күресті жалғастырмақ.
