ӘЧ-2026 турниріне ең көп ойыншы АПЛ-дан шақырылды
АПЛ. Фото: Getty Images
Ағылшын Премьер-лигасы ӘЧ-2026 турниріне қатысатын футболшылар саны бойынша барлық ұлттық чемпионаттардың көшін бастады, деп хабарлайды Pin-UpSport.kz.
Алдағы әлем чемпионатына АПЛ клубтарында өнер көрсететін 166 футболшы қатысады. Бұл – барлық лигалар арасындағы ең жоғары көрсеткіш.
2026 жылғы әлем чемпионаты тарихта алғаш рет 48 құраманың қатысуымен өтеді. Турнирге жалпы саны 1248 футболшы тіркелген.
Бұл көрсеткіш бойынша екінші орында Германия Бундеслигасы тұр. Неміс чемпионатынан ӘЧ-2026-ға 101 ойыншы шақырылды. Одан кейін Испанияның Ла Лигасы (82), Францияның Лига 1 чемпионаты (81) және Италияның А сериясы (66) орналасқан.
Сауд Арабиясының Про-лигасы 46 футболшымен алтыншы орынға жайғасты. АҚШ-тың МЛС лигасы мен Түркия Суперлигасынан 43 ойыншыдан қатысады. Ал алғашқы ондықты Англия Чемпионшипі (37) мен Нидерландтың Эредивизи чемпионаты (34) түйіндейді.
ӘЧ-2026 турнирі 11 маусым мен 19 шілде аралығында АҚШ, Канада және Мексикада өтеді. Қазіргі әлем чемпионы – Аргентина құрамасы. Оңтүстік америкалықтар 2022 жылғы финалда Францияны пенальти сериясында жеңіп, чемпион атанған болатын.
