16 жастағы Дастан Сатпаев ұлттық құрамаға шақырту алуы мүмкін
Дастан Сатпаев
«Қайраттың» шабуылшысы Дастан Сатпаев 2026 жылғы әлем чемпионатының іріктеу кезеңі алдында Қазақстан құрамасының бапкерлерінің назарына ілікті.
ҚФФ кеңесшісі Нұрсұлтан Құрман өзінің подкастында бас бапкер Әли Әлиев маусым басында Сатпаевтың ойынын мұқият бақылап, оның өнеріне жоғары баға бергенін айтты. Осылайша, Дастан ұлттық құрамаға шақыртылып, алғашқы ойынын өткізуі мүмкін.
Жас талант өзін жақсы танытып үлгерді – «Қайратқа» Қазақстан Суперкубогын жеңуге көмектесіп, КПЛ-дың алғашқы турында «Астананың» қақпасына гол соқты. Осы голдың арқасында ол «Қайрат» тарихындағы ең жас гол авторы атанды. Бұған дейін алматылық клуб Сатпаевтың «Челсиге» ауысатынын хабарлаған болатын.
Автор туралы
Айбар Рысдалует
Спортивный журналист и обозреватель. Специализируется на казахстанском футболе и олимпийских видах спорта. Побывал на Олимпийских играх в Токио и играх БРИКС.
Барлық авторлық жазбаларды көру
