«Қайраттың» Чемпиондар лигасындағы ойын күнтізбесі жарияланды

Фото: Getty Images
Алматылық «Қайрат» 2025/26 жылғы маусымның негізгі кезеңіндегі ойындарының толық кестесін білді, деп хабарлайды Pin-Upsport.kz.
Команда алғашқы кездесуін 18 қыркүйекте Лиссабонда жергілікті «Спортингке» қарсы өткізеді. Ал 30 қыркүйекте Алматыда нағыз футбол мерекесі күтілуде — «Қайрат» атақты мадридтік «Реалды» қабылдайды.
Отандық жанкүйерлер «Пафоспен» (21 қазан), «Олимпиакоспен» (9 желтоқсан) және бельгиялық «Брюггемен» (20 қаңтар) өтетін ойындарды да өз алаңынан тамашалай алады. Қалған кездесулер сырт алаңда «Интерге» (5 қараша), «Копенгагенге» (26 қараша) және «Арсеналға» (28 қаңтар) қарсы өтеді.
Осылайша, «Қайрат» Еуропаның алпауыт клубтарына қарсы сегіз матч өткізеді. Әсіресе Алматыдағы «Реалға» қарсы ойын ел футболының ең басты оқиғасына айналмақ.