Рыбакина US Open жарысының 1/8 финалына жолдама алды
Фото: КТФ
Қазақстанның бірінші ракеткасы Елена Рыбакина (әлемдік рейтингте №10) Нью-Йоркте өтіп жатқан АҚШ ашық чемпионатының төртінші айналымына шықты, деп хабарлайды Pin-UpSport.kz.
Үшінші кезеңде ол Ұлыбритания спортшысы Эмма Радукануды (№36) сенімді түрде жеңді. Алғашқы сет небәрі 27 минутқа созылып, 6:1 есебімен аяқталды. Екінші партияда Рыбакина тағы да үстемдік көрсетіп, 6:2 нәтижесімен жеңісті өз еншісіне жазды.
Кездесу барысында қазақстандық теннисші екі эйс жасап, екі рет қос қате жіберді. Радукану да екі эйс орындағанымен, есепті өз пайдасына өзгерте алмады.
Келесі айналымда Рыбакина чехиялық Маркета Вондроушова (№60) мен италиялық Жасмин Паолинидің (№8) арасындағы матчтың жеңімпазымен кортқа шығады. Әйелдер турнирінің жүлде қоры 41,6 миллион долларды құрайды.
