«Қайрат» Чемпиондар лигасында ерекше рекорд орнатады
Фото: Getty Images
Алматылық «Қайрат» Чемпиондар лигасының тарихында ерекше рекорд орнатпақ, деп хабарлайды Pin-UpSport.kz.
Қазақстандық клуб негізгі кезеңдегі «Спортингке» қарсы матч өткізу үшін Лиссабонға жету мақсатында жеті мың шақырымнан астам жолды еңсеруі тиіс. B24 дерегінше, бұл сапар турнир тарихындағы ең ұзақ ұшыс болмақ. Бұған дейінгі рекорд «Астанаға» тиесілі еді. 2015/16 маусымында елордалық клуб Португалияның «Бенфикасымен» ойнау үшін 6173 шақырымды артқа тастаған болатын.
Бұл кезеңде «Қайраттың» қарсыластары қатарында «Интер», «Арсенал», Мадридтің «Реалы», «Копенгаген», «Брюгге», «Олимпиакос» және «Пафос» бар. Испандықтармен, бельгиялықтармен, гректермен және кипрліктермен ойындар Алматыда өтеді.
Еске сала кетейік, плей-офф кезеңінде «Қайрат» күтпеген сенсация жасап, Шотландияның «Селтигін» жарыстан шығарды. Екі кездесу де 0:0 есебімен аяқталып, пенальти сериясында қазақстандықтар мықтырақ болды — 3:2.
