«Қайраттың» Чемпиондар лигасындағы қарсыластары белгілі болды
Фото: Getty Images
Монакода өткен жеребе тарту рәсімінде 2025/26 жылғы Чемпиондар лигасының негізгі кезеңіндегі «Қайраттың» қарсыластары анықталды, деп хабарлайды Pin-UpSport.kz.
Алматылық клуб бұл кезеңде сегіз ойын өткізеді: төртеуін өз алаңында, төртеуін түзде. «Қайрат» Алматыда «Реал» (Испания), «Брюгге» (Бельгия), «Олимпиакос» (Грекия) және «Пафоспен» (Кипр) кездессе, сырт алаңда «Интер» (Италия), «Арсенал» (Англия), «Спортинг» (Португалия) және «Копенгагенмен» (Дания) ойнайды.
Рафаэль Уразбахтин жаттықтыратын команда бұл белеске жету үшін төрт іріктеу кезеңінен өтті. Алдымен словендік «Олимпияны» жеңді (3:1), кейін финляндиялық КуПС-пен тартысты додада камбэк жасады (3:2). Үшінші раундта тәжірибелі «Слованнан» басым түсті (1:1, пенальти — 4:3).
Плей-офф кезеңінде «Қайрат» шотландиялық «Селтикті» жарыстан шеттетті. Екі матчта да есеп ашылмады, алайда пенальти сериясында алматылықтар жеңіп, тарихында алғаш рет Чемпиондар лигасының негізгі кезеңіне жолдама алды.
