Месси «Интер Майамиді» Лига Кубогының финалына шығарды
Фото: AMA
Форт-Лодердейлдегі «Чейз Стэдиумда» «Интер Майами» мен «Орландо Сити» арасында Лига Кубогының жартылай финалы өтті, деп хабарлайды Pin-UpSport.kz. Алаң иелері 3:1 есебімен жеңіске жетіп, финалға жолдама алды.
Бірінші таймның қосымша минуттарында қонақтар сапынан Марко Пашалич есеп ашты. Алайда 75-минутта Давид Брекало қызыл қағаз алып, «Орландо» бір ойыншымен қалды. Сол сәттен кейін жағдай өзгерді: бір минуттан соң Лионель Месси пенальтиден гол соқты, ал 88-минутта Жорди Альбаның пасынан дубль авторы атанды.
Қосымша уақытта венесуэлалық Теласко Сеговия Луис Суарестің ассистімен үшінші голды соғып, жеңісті бекіте түсті. Енді «Интер Майами» финалда «Лос-Анджелес Гэлакси» мен «Сиэтл Саундерс» арасындағы жеңімпазбен кездеседі.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
