Алмабаевтың бапкері Перестің жекпе-жекке шақыруына пікір білдірді
Асу Алмабаев. Фото: PX Imagens via ZUMA Press Wire
Қазақстандық файтер Асу Алмабаевтың жаттықтырушысы Эдуард Базров америкалық Алекс Перестің шақыруына жауап берді. Перес қазір UFC-дің ең жеңіл салмақтағы рейтингінде сегізінші орында тұр.
«Интернеттен оның Асуға қарсы жекпе-жекке шақырғанын көрдім. Дүйсенбіде Асумен кездесіп, сөйлесеміз. Шынымды айтсам, айырмашылығы жоқ. Перес болса — Перес», — деді Базров сұхбатында.
33 жастағы Перес UFC-де 2017 жылдан бері өнер көрсетіп келеді. Оның көрсеткіші – 7 жеңіс және 5 жеңіліс. 2020 жылы титулдық жекпе-жекке шыққанымен, алғашқы раундта Дейвесон Фигередоға тұншықтыру әдісімен жеңілді.
Америкалық спортшының басты кемшілігі – жоспарланған кездесулердің жиі тоқтатылуы. UFC-дегі 13 жекпе-жегі өтпей қалған, оның алтауы тікелей Перестің кінәсінен болған.
