Максат Қайсар UFC-де Гэйдж Янгқа жол берді
Фото: Zuffa LLC
Қытайдан шыққан қазақ спортшысы Максат Қайсар Шанхайда өткен UFC Fight Night турнирінде америкалық Гэйдж Янгқа жеңілді, деп хабарлайды Pin-UpSport.kz.
Жеңіл салмақтағы жекпе-жек алдын ала кард аясында өтіп, толық үш раундқа созылды. Төрешілер бірауыздан жеңісті Янга берді — 30-27, 29-28, 29-28. Бұл Қайсардың (10-5 ММА, 2-4 UFC) UFC-дегі қатарынан екінші жеңілісі болса, Янг (10-3 ММА, 1-1 UFC) алғаш рет ұйым аясында жеңіске жетті.
25 жастағы Қайсар бұл кездесуге Алматыдағы SAQ Pro Team залында дайындалды. Ол UFC-ге 2021 жылы Дана Уайттың Претенденттер сериясындағы жеңісінен кейін қосылған. Максат Іле-Қазақ автономиялық округінде дүниеге келген. Қазіргі таңда ол UFC-де өнер көрсетіп жүрген Қытайдағы үш қазақ файтерінің бірі — қатарында Сайран Нұрданбек пен Тайлак Нұражы бар.
