Нысана көздеуден Шымкенттегі Азия чемпионатында Қытай құрамасы 4 рекорд тіркеді
Шымкент қаласында өтіп жатқан XVI Азия чемпионатында Қазақстан қоржынына стенд атудан алғашқы жүлделер түсті, деп хабарлайды ҚР Туризм және спорт министрлігі Спортты дамыту дирекциясының баспасөз қызметі.
Скит бағдарламасында әйелдер арасында тәжірибелі Анастасия Молчанова 3-орын алды. Ұлттық құрама спортшысы финалда 45 ұпай жинады.
Финал нәтижесі:
1. Цзян Ютин (Қытай) – 57 ұпай
2. Че Юфэй (Қытай) – 56 ұпай
3. Анастасия Молчанова
4. Махешвари Чаухан (Үндістан) – 35
5. Адель Садақбаева (Қазақстан) – 23
6. Ольга Хайлова (Қазақстан) – 15
Іріктеу нәтижесінде командалық сайыста Қазақстан әйелдер құрамасы 339 ұпаймен күміс жүлдеге ие болды. Мұнда да Қытай командасы 342 ұпаймен топ жарса, Үндістан үштікті түйіндеді (329 балл).
Ерлер арасында скиттен Ұлттық құрама спортшылары ақтық сынға шыға алмады. Ертең скит бағдарламасында жасөспірімдер жүлдеге таласады.
