TUF финалында сенсация: Әліби Ыдырыс жеңіліп қалды
Фото: Zuffa LLC
Қазақстандық спортшы Әліби Ыдырыс (10-0) Чикагода өткен UFC 319 турнирінде алғаш рет жеңіліс тапты. Ол америкалық Джозеф Моралеске (12-2) қарсы жекпе-жекке шықты, деп хабарлайды Pin-UpSport.kz.
Бұл кездесудің мәртебесі ерекше болды: The Ultimate Fighter шоуының финалына шыққан екі спортшының жеңімпазы UFC-мен келісімшартқа қол жеткізетін еді. Осыған дейін бірде-бір қазақстандық аталған жобада жеңімпаз атанған емес. Жекпе-жек найлегчай салмақта ұйымдастырылды.
Екінші раундта америкалық спортшы қарсыласын ауырту тәсілімен жеңді. Бұл нәтиже күтпеген жерден орын алды, себебі кездесудің басты фавориті Әліби Ыдырыс саналған еді.
Нәтижесінде Джозеф Моралес кәсіби мансабындағы он үшінші жеңісіне қол жеткізіп, UFC-мен келісімшарт жасасты. Ал Әліби Ыдырыс кәсіби октагондағы алғашқы жеңілісін тіркеді.
