Сабина Алтынбекова Қазақстан чемпионатына оралады
Фото: All Sports Media
Танымал қазақстандық волейболшы Сабина Алтынбекова жаңа клубын таңдады және енді мансабын ел біріншілігінде жалғастырады, деп хабарлайды Pin-UpSport.kz.
Қай команда сапында өнер көрсететіні әзірге құпия, оның атауын спортшы алдағы күндері эфирге шығатын телебағдарламада жариялайды. Белгілісі, 29 жастағы ойыншы Малайзиядан түскен ұсыныстан бас тартып, Қазақстанда қалуды жөн көрді.
Алтынбекова 2015 жылы Тайбэйде өткен Азия чемпионатында жастар құрамасы сапында танымал болды. Сол кезде ол жанкүйерлердің назарын ойын мәнерімен де, келбетімен де өзіне аударған. Бұған дейін ол елде «Алматы» клубында ойнап, кейін Жапония, БАӘ және Индонезия чемпионаттарында өнер көрсетті. «Аль-Васл» командасымен бірге Араб лигасының чемпионы атанды.
Спорттан тыс өмірінде де маңызды оқиғалар аз болмады: 2020 жылы тұрмыс құрып, кейін ана атанды, ал 2025 жылдың басында оның ажырасқаны белгілі болды. Енді волейболшы жаңа маусымды Қазақстан чемпионатында бастауға дайын.
