«Қайраттың» Чемпиондар лигасындағы келесі қарсыластары белгілі болды
Фото: Getty Images
Алматының «Қайрат» клубы Чемпиондар лигасының келесі кезеңіндегі ықтимал қарсыластарының тізімін білді, деп хабарлайды Pin-UpSport.kz.
Үшінші іріктеу кезеңінде қазақстандық клуб Братиславаның «Слован» командасымен кездеседі. Егер осы кезеңнен сәтті өтсе, плей-оффта «Будё-Глимт», «Селтик» және «Мальмё» — «Копенгаген», «Лех» — «Црвена Звезда», «Лудогорец» — «Ференцварош» жұптарының жеңімпаздарымен ойнауы мүмкін.
Ал егер «Слованға» жол берсе, «Қайрат» Еуропа лигасының плей-офф кезеңіне түседі. Мұнда қарсыластар ретінде «Янг Бойз», «Хамрун Спартанс» — «Маккаби Тель-Авив» жұбының жеңімпазы және жоғарыда аталған жұптардың жеңіліп қалған командалары болуы мүмкін.
Чемпиондар лигасының жеребесі бүгін, 2 тамызда, Астана уақытымен 15:00-де өтеді. Одан кейін 16:00-де Еуропа лигасының жеребесі тартылады. «Слованмен» алғашқы матч 6 тамыз күні Алматыда өтеді.
