Чимаев Дю Плессимен жекпе-жегі үшін рекордтық сыйақы алады
Фото: Zuffa LLC
UFC 319 турнирінде өтетін Дрикус Дю Плессиға қарсы жекпе-жекте Хамзат Чимаев жеңіске жетсе, мансабындағы ең ірі сыйақыны алады — 1,8 миллион доллар, деп хабарлайды Pin-UpSport.kz.
Бұл сома оның бұрынғы ең жоғары табысы — Роберт Уиттакермен болған айқастағы 1 миллион доллардан 800 мыңға артық. Чимаев үшін бұл тек титулдық мүмкіндік қана емес, сонымен қатар қаржылық тұрғыдан да жаңа деңгей болмақ.
Жекпе-жекшінің медиа кеңістіктегі танымалдығы күн санап артып келеді. Бұған дейін оның командасы эксклюзивті сұхбат үшін 700 мың доллар талап еткені жайлы ақпарат тараған болатын, бұл оның нарықтағы құнын көрсетеді.
Ал чемпион Дю Плесси бұл кездесуден шамамен 3 миллион доллар табыс табады. Бұл — Шон Стриклендпен айқаста алған сыйақысымен бірдей. Жекпе-жек 16 тамыз күні Чикагода өтеді және жылдың ең табысты орта салмақ айқастарының бірі болмақ.
