Арнольд Кнауб «Семейге» ауысады
Фото: FIFA via Getty Images
Қазақстан футзал құрамасының ойыншысы Арнольд Кнауб мансабын МФК «Семей» сапында жалғастырады. Алматылық «Қайрат» 30 жастағы футзалшымен келісімшартты ұзартпау туралы шешім қабылдады, деп хабарлайды Pin-UpSport.kz.
Екі маусым қатарынан «Қайрат» жейдесін киген Кнауб әлеуметтік желідегі парақшасында клубқа алғысын білдіріп, бұл кезеңнің аяқталғанын жазды. «Бұл екі маусымда жеңістер де, қиын сәттер де болды. Бірақ енді бұл бетті жабатын уақыт келді», – деді ол.
Арнольд қоштасу жазбасында: «Өкінбеймін, басымды тік ұстап, келесі тарауға көшемін. Командадағы әріптестеріме сәттілік тілеймін. Ал жанұям – менің ең үлкен жеңісім», – деп жазды.
Айта кетейік, 2024/2025 жылғы маусымда «Қайрат» финалда дәл осы «Семейді» 3:1 есебімен жеңіп, Қазақстан чемпионы атанды.
