«Қайраттың» аңызы Қазақстанға оралады
Леонардо Мендонка Да Роса. Фото: FIFA via Getty Images
Қазақстан құрамасының тәжірибелі футзалшысы Лео Мендонка алдағы маусымда «Семей» клубының жейдесін киеді, деп хабарлайды Pin-UpSport.kz.
Леонардо Мендонка да Роса, яғни Лео, 2009 жылы Қазақстанға келіп, «Қайрат» сапында көзге түсті. Алматылық клубта өнер көрсеткен жылдары ол УЕФА кубогын екі мәрте жеңіп алып, ел біріншілігінде бірнеше рет топ жарды.
2016 жылы футзалшы Португалияның «Спортинг» командасына жалға беріліп, кейін толық келісімшартқа отырды. Лиссабондық клубта Чемпиондар лигасы мен ел чемпионатында тұрақты ойнады.
Бразилияға оралған Лео «Жоинвиль» командасында доп теуіп, кейін Латвияның РФШ клубына өтті. 2024/25 жылғы маусымда ол аталмыш клубпен бірге Латвия кубогын иеленді.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
