Дастан Сатпаев Чемпиондар лигасында гол соққан ең жас қазақстандық атанды
Фото: Getty Images
«Қайраттың» шабуылшысы Дастан Сатпаев Лига чемпиондары матчында гол соққан ең жас қазақстандық футболшы ретінде рекорд орнатты, деп хабарлайды Pin-UpSport.kz.
16 жастағы ойыншы Словенияда өткен алғашқы іріктеу кезеңінің матчында «Олимпия» қақпасына 59-минутта гол соқты. Кездесу 1:1 есебімен аяқталды. Қарымта ойын 15 шілде күні Алматыда өтеді.
Осы жұптағы жеңімпаз келесі кезеңде финляндиялық КуПС пен молдовалдық «Милсами» арасындағы жеңімпазбен кездеседі. Екі команданың алғашқы ойынында 1:0 есебімен КуПС жеңіске жетті.
Айта кетейік, жаңа еуромаусымда Қазақстан атынан «Қайраттан» бөлек «Актөбе», «Ордабасы» және «Астана» командалары да өнер көрсетеді.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
