Қазақстан жастар құрамасы Англиямен Ақтөбеде ойнайды
Фото: Getty Images
Қазақстан жастар құрамасы (U-21) Англиямен болатын келесі матчты 8 қыркүйекте өткізеді. Кездесу Ақтөбедегі Қобыланды батыр атындағы стадионда өтеді, деп хабарлайды Pin-UpSport.kz.
Бұл стадион «Ақтөбе» клубының үй алаңы саналады және шамамен 13 мың жанкүйерге арналған. Бұған дейін екі құрама 2016 жылғы Еуропа чемпионатының іріктеу кезеңінде кездесіп, қос матчта да ағылшындар жеңіске жеткен (1:0, 3:0).
Айта кетейік, Англияның жастар құрамасы қазіргі Еуропа чемпионы. Өткен жылдың 28 шілдесінде Братиславада өткен финалда олар Германияны 3:2 есебімен ұтып, чемпиондық атағын қорғап қалған еді.
Қазақстан U-21 құрамасы 2027 жылғы Еуропа чемпионатының іріктеу кезеңінде D тобында ойнайды. Бұл топта Англиямен қатар Ирландия, Словакия, Молдова және Андорра бар. Іріктеудегі алғашқы ойында қазақстандықтар Андорраны 1:0 есебімен жеңді.
