Абужақынова әлемдік рейтингте екінші орынға көтерілді
Фото: ijf.org
Қазақстан әйелдер құрамасының көшбасшысы Әбиба Абужақынова дзюдодан әлемдік рейтингте екінші орынға жайғасты, деп хабарлайды Pin-Upsport.kz.
Жаңартылған тізімге сәйкес, ол 48 келіге дейінгі салмақта 5662 ұпай жинап, бірден екі сатыға жоғарылады.
Рейтинг көшін енді италиялық Ассунта Скутто бастап тұр. Ол Будапештте өткен әлем чемпионатының финалында Әбибадан басым түсіп, 5958 ұпайға ие болды. Бұған дейін Скутто төртінші орында болған.
Финалда жеңілсе де, Абужақынова Қазақстан тарихында алғаш рет әйелдер арасында әлем чемпионатының финалына шыққан дзюдошы ретінде есімін алтын әріппен жазды.
Үздік үштікті 5170 ұпайы бар Франция өкілі Ширин Букли түйіндеп тұр. Ол бұған дейін алтыншы сатыда еді.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
