Агапова жалаң жұдырықтағы алғашқы жекпе-жегінде жеңіліп қалды
Фото: Bare Knuckle FC
Қазақстандық файтер Мария Агапова Bare Knuckle FC ұйымындағы алғашқы жекпе-жегінде жеңіліп қалды, деп хабарлайды Pin-Upsport.kz.
Турнир АҚШ-тың Форт-Уэрт қаласында өтті. Агаповаға қарсы октагонға шыққан – UFC-тің бұрынғы спортшысы америкалық Джессика Ай.
Жекпе-жек бес раундқа созылып, төрешілердің бірауыздан шығарған шешімімен Джессика Ай жеңіске жетті. Америкалық спортшы бүкіл жекпе-жек бойы басымдық танытып, раундтардың бәрінде ұпаймен алда болды.
Жекпе-жек алдындағы stare down кезінде күтпеген жағдай болды – Агапова қарсыласын ернінен сүйіп, Джессиканың наразылығын тудырды.
Айта кетейік, Мария Агапова – UFC ұйымында өнер көрсеткен тұңғыш қазақстандық әйел. Ол 2020–2024 жылдар аралығында алты жекпе-жек өткізіп, екеуінде жеңіске жеткен. Алайда төрт жеңілістен кейін UFC-ден босатылды.
