Зарина Дияс Жапониядағы турнирде топ жарды
Фото: Getty Images
Қазақстандық теннисші Зарина Дияс Жапонияның Куруме қаласында өткен ITF W50 турнирінде жеңімпаз атанды, деп хабарлайды Pin-Upsport.kz.
Финалда әлемдік рейтингте 318-орында тұрған Зарина жергілікті теннисші, 288-ші ракетка Аяно Шумицуды жеңді.
Қос сетте де отандасымыз сенімді ойын көрсетіп, қарсыласын 6:4, 6:3 есебімен ұтты. Бұл жеңіс – Диястың спорттық жолындағы маңызды белестердің бірі саналады.
«Жапониядағы турнирді жеңіспен аяқтадым. Мұндай финал болады деп тіпті армандаған жоқпын. Төрт аптада талай ойын, жеңіс, қиындық пен өсу сәттері болды. Жапония, алғысым шексіз. Көңілім шаттыққа толы күйде елге ораламын», – деп жазды Зарина әлеуметтік желідегі парақшасында.
Автор туралы
Айбар Рысдаулет
Спортивный журналист и обозреватель. Специализируется на казахстанском футболе и олимпийских видах спорта. Побывал на Олимпийских играх в Токио и играх БРИКС.
Барлық авторлық жазбаларды көру
