«Астана» мен «Зимбру» арасындағы ойын күндері өзгерді
ФК Астана. Фото: Getty Images
«Астана» мен «Зимбру» командалары Конференциялар лигасының екінші іріктеу кезеңіндегі ойындардың тәртібін өзгертті, деп хабарлайды Pin-Upsport.kz.
Бұған футболға қатысы жоқ – концерттік шара себеп болды.
Бастапқыда жеребе қорытындысы бойынша алғашқы матч 24 шілдеде Кишиневте, ал қарымта кездесу 31 шілдеде Астанада өтуі тиіс еді. Алайда 1 тамызда «Астана-Аренада» америкалық әнші Дженнифер Лопестің концерті жоспарланған. Концертке дайындық футбол ойынының сол күні өтуіне мүмкіндік бермеді.
Сол себепті тараптар өзара келісіммен алаң алмасуға шешім қабылдады. Енді алғашқы ойын 24 шілдеде Астанада өтсе, қарымта матч 31 шілдеде Кишиневте болады. Бұл өзгерісті УЕФА да мақұлдады.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
