Азия чемпионатында қазақстандық семсерлесушілер үздік бестікке енді
Индонезияның Бали аралында семсерлесуден Азия чемпионаты жалғасуда. Жарыстың кезекті күнінде ерлер мен әйелдер арасындағы командалық бәсекелер мәресіне жетті, деп хабарлайды Pin-Upsport.kz.
Саблямен семсерлесу бойынша Қазақстан құрамасы (Артём Саркисян, Саттархан Назарбай, Бақдәулет Құралбекұлы, Жанат Нәбиев) бесінші орынға табан тіреді. Бұл сында Жапония құрамасы жеңімпаз атанып, күміс Оңтүстік Кореяға, ал қола жүлде Өзбекстанға бұйырды.
Рапирамен өнер көрсеткен әйелдер командасы (Алёна Гноева, София Ақтаева, Күлжан Түсіпбекова) жетінші орынды місе тұтты. Аталған сайыста Жапония Қытайды финалда жеңіп, топ жарды. Үшінші орын Гонконг еншісінде.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
