«Астана» өз алаңындағы ойынды ауыстыруды жоспарлап отыр
Фото: Getty Images
«Астана» футбол клубының бас бапкері Григорий Бабаян Конференциялар лигасының 2025/26 маусымындағы іріктеу кезеңінің жеребесіне қатысты пікір білдірді, деп хабарлайды Pin-Upsport.kz.
Бапкердің айтуынша, шілде айының соңына жоспарланған екінші матч кезінде «Астана Аренада» Дженнифер Лопестің концерті өтеді. Осыған байланысты команда молдовалық «Зимбрумен» ойын ауыстыру туралы келіссөз жүргізіп жатыр.
«Қазіргі уақытта біз «Зимбру» клубымен кездесулерді ауыстыру жөнінде келіссөздер жүргізіп жатырмыз. Шілденің соңында «Астана Аренада» ойнау мүмкін болмағасын, алғашқы ойынды өз жанкүйерлеріміздің алдында үйде өткізіп, қарымта кездесуді Молдовада ойнағымыз келеді», – деді Бабаян.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
