«Барселона» чемпиондықты дер кезінде рәсімдеді
Фото: Getty Images
14-15 мамыр түні өткен Каталония дербиінде «Барселона» «Эспаньолды» 2:0 есебімен жеңіп, Ла Лига-2024/25 маусымының чемпионы атанды. Бұл жеңіс Ханс-Дитер Фликтің командасына екі тур қалғанда қарсыластарын қуып жетпейтіндей басымдық сыйлады.
Есепті екінші таймның басында Ламин Ямаль ашты. Қорытынды нүктені Фермин Лопес матчтың қосымша минуттарында қойды. «Эспаньол» ойынды он ойыншымен аяқтады – 80-минутта Леандро Кабрера алаңнан қуылды.
Осылайша, «Барселона» 85 ұпай жинап, клуб тарихындағы 28-чемпиондығын тіркеді. «Реал Мадрид» 7 ұпайға қалып, «блаугранамен» бәсекелесуге қауқарсыз қалды.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
Алдыңғы мақала:
Роналду тағы да әлемнің ең бай спортшысы атандыКелесі мақала:
Шахматшы Ксения Балабаева Азия біріншілігінде қола жүлде иеленді