Белал Мұхаммед: «Чемпиондыққа келесі үміткер болуға Шавкат лайық»
Белал Мухаммад. Фото: Zuffa LLC\
UFC-дің бұрынғы чемпионы Белал Мұхаммед Шавкат Рахмоновтың чемпиондық атақ үшін айқасуға толық лайық екенін мәлімдеді. Бұл туралы MMA Fighting басылымы хабарлады.
«Бұл спорт тосын оқиғаларға толы. Мен бұл деңгейге жету үшін ұзақ жолдан өттім, ал Джек Делла Маддалена ондай қиындықтан өтпей-ақ бірден титулдық жекпе-жекке шықты. Бірақ бәрі бір сәтте өзгеруі мүмкін. Егер Шавкат жарақатынан айыққан болса, келесі үміткер сол болу керек. Ол бұл мүмкіндікті ақтап отыр», – деді Мұхаммед.
Айта кетейік, Шавкат Рахмонов әзірге кәсіби мансабында жеңіліп көрмеген. Ол UFC-дің жартылай орта салмағындағы үздік бестікте тұр.
Жақында өткен жекпе-жекте Маддалена Мұхаммедті жеңіп, жаңа чемпион атанды. Енді «Номад» өз мүмкіндігін күтуде.
Айбар Рысдаулет
Жекпе-жекте жарақат алған Егембердиев АСА-дегі кездесуінде жеңіліс тапты
Қазақстан құрамасы әлем чемпионатында Германияға есе жіберді