Алекс Перейра мансабын аяқтады деген ақпаратты жоққа шығарды
Алекс Перейра. Фото: Zuffa LLC
UFC-дің бұрынғы жартылай ауыр салмақтағы чемпионы Алекс Перейра X желісіндегі парақшасында мансабын аяқтау туралы жазба шыққан соң, аккаунты бұзылғанын мәлімдеді. Әлгі жазбада:
«Мен UFC туралы ешқашан жаман айтпадым, бірақ естігендерім ауыр тиді. Мансабымды аяқтау туралы ой келіп жүр», — деп жазылған еді.
Бірақ көп ұзамай Перейра видеоүндеу жасап, бұл жазбаны өзі жарияламағанын айтты.
«Көп адам хабарласты. Бірақ бұл мен емес, аккаунтымды бұзыпты. Мен баяғыдан ештеңе жариялаған жоқпын. UFC-мен қарым-қатынасым тамаша, жай ғана кей адамдар осындай әрекетке барады. Бұл мәселені шешемін», — деді ол.
Айта кетсек, соңғы жекпе-жекте Алекс Магомед Анкалаевқа есе жіберіп, чемпиондық белбеуден айырылып қалды. БАҚ дерегінше, олардың реваншы 2025 жылдың соңына дейін өтуі мүмкін. Қазір Перейраның кәсіби мансабында 12 жеңіс пен 3 жеңіліс бар.
Айбар Рысдаулет
«Бешікташта» Бахтиер Зайнутдиновтың жарақатына алаңдаулы
Қайрат Нұрдәулетов «Ертiстен» кетті