Ауыр атлет Бейбарыс Ерсейіт әлем чемпионы атанды
Бейбарыс Ерсеит. Фото: olympic.kz
Қазақстандық зілтемірші Бейбарыс Ерсейіт Перуде өтіп жатқан жастар арасындағы әлем чемпионатында топ жарды. Ол 61 келі салмақ дәрежесінде алтын медаль иеленді.
Ерсейіт қоссайыс қорытындысы бойынша 262 келі (жұлқа көтеру — 117 келі, серпе көтеру — 145 келі) нәтижесін көрсетті. Екінші орын алған түрік спортшысы Рамазан Йылмаз 261 келіні еңсерсе, қола жүлде ресейлік Абубакар Цакаевқа (252 келі) бұйырды.
Бұл жеңіс Қазақстан құрамасының аталған жарыстағы алғашқы алтыны болды.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
