«Металлург» Никита Михайлиспен жоғары жалақысына байланысты қоштасқысы келеді
Никита Михайлис. Фото: LightRocket via Getty Images
Құрлықтық хоккей лигасының (КХЛ) «Металлург» клубы Қазақстан құрамасының шабуылшысы Никита Михайлиспен қоштасудың жолдарын қарастыруда. Бұл туралы журналист Михаил Зислис хабарлады.
Мәселе — ойыншының жоғары жалақысында. Михайлистің келісімшарты тағы бір жылға есептелген және жылдық табысы 80 миллион рубльді құрайды. Сондықтан жаңа команда табу оңай болмай тұр. Клуб басшылығы келісімді өтемақы төлеп үзгісі келмейді.
Өткен маусымда 29 жастағы форвард тұрақты чемпионатта 36 (12+24) ұпай жинаса, плей-офф кезеңінде 3 (2+1) ұпай еншіледі. «Металлург» Гагарин кубогының алғашқы айналымында «Авангардтан» 2:4 есебімен жеңіліп, жарыстан шығып қалған еді.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
