Футзал мен жағажай футболы Олимпиада бағдарламасына енуі мүмкін
Футзал. Фото: FIFA via Getty Images
FIFA президенті Джанни Инфантино 2028 жылы АҚШ-тың Лос-Анджелес қаласында өтетін Олимпиада ойындарына футзал мен жағажай футболы қосылуы мүмкін екенін хабарлады. Бұл туралы ол өзінің әлеуметтік желідегі парақшасында жазды.
«Футзал мен жағажай футболын Олимпиада бағдарламасына қосу бағытында нәтижелі жұмыс жүргізіп жатқан Халықаралық Олимпиада комитетіне алғысымызды білдіреміз. Бұл өзгеріс 2028 жылғы Олимпиаданы тың форматта өткізуге жол ашады деп сенемін. Біз серіктестерімізбен бірлесіп жұмысты жалғастыра береміз», – деді Инфантино.
Егер бұл ұсыныс қабылданса, футболдың балама форматтары да Олимпиада аренасына шығып, жаңа мүмкіндіктерге жол ашпақ.
Сондай-ақ, ХОК атқару комитеті әйелдер арасындағы негізгі футбол турниріндегі құрама саны 12-ден 16-ға дейін көбейетінін растады. Бұл әйелдер футболына деген әлемдік деңгейдегі қызығушылықтың артқанын білдіреді.
Айбар Рысдаулет
Ламин Ямаль 18-ге толмай жатып-ақ Чемпиондар лигасының рекордын жаңартты
Қазақстанның 19 былғары қолғап шебері Хабаровскіде бақ сынайды