Жамиля Бақбергенова әлем рейтингінде бірінші орынға шықты
Жамиля Бакбергенова. Фото: Getty Images
Балуандардың халықаралық ұйымы – United World Wrestling ресми сайтында 72 келіге дейінгі салмақта әйелдер арасындағы жаңа әлемдік рейтингті жариялады. Жағымды жаңалық – көш басында енді қазақстандық спортшы Жамиля Бақбергенова тұр.
Бұған дейін бұл салмақта жапон қызы Ами Иши бірінші орында тұрған еді. Ол өткен жылы Тиранада өткен әлем чемпионатында топ жарып, рейтингте ұзақ уақыт бойы үздік болған. Бірақ Амманда өткен Азия чемпионатында Жамиля алтын медаль жеңіп алып, 10 мың рейтинг ұпайын иеленіп, жапон спортшысын басып озды.
Айта кетейік, Жамиля соңғы бес ай бойы әлем рейтингінде екінші орында тұрған. Бұл – оның спорттық мансабындағы төртінші Азия чемпионатының алтыны. Ал Иши рейтингте бірден сегізінші орынға дейін сырғыды.
Осылайша, Жамиля Бақбергенова тағы да өз шеберлігін дәлелдеп, Қазақстан күресінің абыройын асқақтатты.
