АПЛ тарих жазуы мүмкін – келесі маусымда Чемпиондар лигасына 7 команда қатысуы ықтимал
АПЛ. Фото: Getty Images
Англия Премьер-лигасының клубтары UEFA Чемпиондар лигасына қатысушы командалар саны бойынша рекорд орнатуға жақын. Бұл жаңалық «Арсенал» клубының 1/4 финалдағы алғашқы матчта «Реалды» 3:0 есебімен жеңгеннен кейін белгілі болды.
Бұл жеңістен соң Англия 2025/2026 маусымындағы Чемпиондар лигасына бес клуб жіберу құқығына ие болды. Бұл – елдің еурокубоктағы тұрақты жоғары көрсеткіштерінің нәтижесі.
Алайда жағдай сәтті өрбіп жатса, бұл сан жетіге дейін артуы мүмкін. Ол үшін бірнеше шарт орындалуы керек: «Астон Вилла» биылғы маусымда Чемпиондар лигасын жеңіп алып, Англия чемпионатында бесінші орынды иеленуі қажет. Сонымен қатар, «Тоттенхэм» не «Манчестер Юнайтед» Еуропа лигасында топ жарып, АПЛ-дегі үздік төрттікке кірмей қалса – жеті команданың Чемпиондар лигасында ойнауы мүмкін болады.
Егер осындай нәтиже тіркелсе, Англия Чемпиондар лигасы тарихындағы ең көп өкіл қосқан елге айналады. Бұл Премьер-лиганың Еуропадағы ең мықты чемпионат екенін тағы бір дәлелдейді.
Айбар Рысдаулет
Бақтиер Зайнутдинов жақында қатарға қосылады
«Жібек жолы» турниріне бақ сынайтын қазақстандық боксшылар анықталды