Қазақстан құрамасы ФИФА рейтингінде неге үш саты төмен сырғыды?
Сборная Казахстана. Фото: CameraSport via Getty Images
ФИФА ұлттық құрамалардың жаңартылған рейтингін жариялады. Бұл жолы Қазақстан құрамасы үш саты төмендеп, 110-орыннан 113-ке сырғыды. Али Алиевтің шәкірттері Намибия мен Вьетнамға жол беріп қойды.
Намибия 111-орыннан 108-ге көтерілсе, Вьетнам 114-тен 109-орынға бір-ақ секірген. Осылайша бұл екі құрама Қазақстанды артта қалдырды.
Рейтингтің алғашқы ондығында да аздап өзгеріс бар. Испания құрамасы Францияны артқа тастап, екінші орынға жайғасты. Ал Нидерланды мен Португалия алтыншы және жетінші орындарымен алмасты. Рейтинг көшін Аргентина бастап тұр.
Еске салайық, наурыз айында Қазақстан үш матч өткізді. Алдымен бақылау матчында Кюрасаоны 2:0 есебімен ұтты. Одан кейін Уэльске сырт алаңда 1:3 есебімен жол берді. Сосын Лихтенштейнді 2:0 есебімен жеңді. Алайда бұл нәтиже рейтингте алға жылжуға жеткіліксіз болды.
