Ресейлік футболшы Қазақстан құрамасында ойнағысы келетінін мәлімдеді
Денис Фомин Фото: fc-textil.ru/
«Черноморецтің» орталық қорғаушысы Денис Фомин Қазақстан құрамасында ойнау жайлы пікір білдірді. Оның айтуынша, әзірге ешкім ресми түрде хабарласпаған, бірақ егер ұсыныс түссе, қарсы емес екенін жасырмады. Бұл жайлы ол Legalbet.kz сайтына берген сұхбатында айтты.
Фомин Қостанай облысындағы Лисаковск қаласында дүниеге келген. Кейін бала күнінде отбасымен бірге Ресейдің Иваново қаласына көшіп кеткен. Ол бұған дейін «Текстильщик», «Урал», «Тамбов» пен «СКА-Хабаровск» клубтарында ойнаған. 2023 жылдан бері новороссийлік «Черноморец» сапында өнер көрсетіп жүр.
Футболшы 2015 жылы Ресейдің жастар құрамасына шақыртылып, үш ойын өткізген. Дегенмен, қазір ол Қазақстан құрамасында ойнау мүмкіндігін де қарастыруға дайын екенін аңғартты.
2024/2025 маусымында Фомин Ресей Бірінші лигасында 15 матчқа қатысқан. Қазіргі таңда «Черноморец» 26 турдан кейін төртінші орында тұр. Transfermarkt дерегінше, 28 жастағы қорғаушының нарықтық бағасы – 350 мың еуро.
Айбар Рысдаулет
Асу Алмабаев UFC рейтингінде жоғарылады
Ұлттық құраманың ойыншысы 5 матчқа алаңнан шеттетілді