«Ордабасы» маусымды сәтсіз бастады: Қайрат Әшірбеков команданы қолдауға шақырды
Кайрат Аширбеков. Фото: fcordabasy.kz
«Ордабасының» спорт директоры Қайрат Әшірбеков клубтың маусымдағы баяу бастауы жайлы пікір білдірді. Оның айтуынша, ұжым енді ғана құралып жатқандықтан, алғашқы ойындардағы нәтиже онша болмай тұр.
Әшірбеков команда екі ай бұрын ғана жиналғанын және футболшылар бір-біріне әлі үйренісіп жатқанын айтты.
«Шымкенттің жанкүйерлері бізден әрдайым жоғары нәтиже күтеді, бұл түсінікті. Бірақ ұмытпау керек, қазір мүлде жаңа құраммен жұмыс істеп жатырмыз», – деді ол.
Қазірше үш турдан кейін бар болғаны екі ұпай ғана бар. Әрине, бұл клуб күткен нәтиже емес. Дегенмен Қайрат Әшірбеков алда әлі 23 ойын барын айтып, бәрін түзетуге мүмкіндік жеткілікті екеніне сенімді.
«Осындай сәтте бәріміз бір болып қолдау көрсетсек, көп ұзамай қалаған нәтижеге жетеміз деп ойлаймын», – деді ол жанкүйерлерге үндеу жасап.
Айбар Рысдаулет
Жәнібек Әлімханұлы Канломен жұдырықтасу басты мақсаты екенін айтты
Асу Алмабаев UFC рейтингінде жоғарылады