Қазақстандық клуб – Еуропа хоккей лигасының финалында
Алматинский клуб «Айсулу»
Алматының «Айсулу» хоккей командасы биылғы маусымдағы Еуропа әйелдер хоккей лигасының (EWHL) финалына шықты.
Жартылай финалдың екінші кездесуінде «ЕВБ Иглз» (Оңтүстік Тироль) командасына 2:4 есебімен жол бергенімен, алғашқы ойындағы 3:0 есебіндегі жеңісі мен екі матчтың жалпы қорытындысы (5:4) «Айсулуға» финалға жолдама әперді.
Алматылық ұжым чемпиондық атақ үшін Австрияның Санкт-Пельтен қаласының «Сэйбрс» командасымен таласады. Финалдың алғашқы ойыны 21 наурызда өтсе, қарымта матч 23 наурызға жоспарланған. Қызығы, «Сэйбрс» жартылай финалда турнир кестесінің көшбасшысы – Братиславаның ПСРЗ клубын жарыстан шығарған.
«Айсулу» сапында ақпан айында Харбинде өткен қысқы Азия ойындарында күміс жүлдеге қол жеткізген Қазақстан құрамасының сегіз ойыншысы бар. Олар: Аида Олжабаева, Анна Пяткова, Мадина Тұрсынова, Малика Алдабергенова, Пернеш Ашимова, Алина Иванченко, Татьяна Королева және Лариса Свиридова.
