Дияр Нұрғожай UFC-де негізгі кардқа көтерілді
Дияр Нургожай
Қазақстандық файтер Дияр Нұрғожай (10-0) UFC-дегі алғашқы жекпе-жегін өткізеді. Ол 15-16 наурызға қараған түні Лас-Вегаста өтетін UFC Fight Night 254 турнирінде Бразилиядан келген Брендсон Рибейромен (16-7) кездеседі.
Марсель Дорффтың мәліметінше, ұйымдастырушылар турнир кестесіне өзгеріс енгізді. Бастапқыда Нұрғожайдың айқасы алдын ала кардта жоспарланған болатын, алайда ол негізгі кардқа ауыстырылды. Ал Ю Су-янг (14-3) пен Эй Джей Каннингемнің (11-4) жекпе-жегі алдын ала бөлімге жылжытылды.
Нұрғожай 2023 жылдың қазан айында Дана Уайттың Претенденттер сериясында жеңіске жетіп, UFC-мен келісімшартқа отырды. Ол сол кеште поляк Бартош Шевчикті (8-4-1) нокаутпен жеңіп, промоушен басшыларының назарын аударды.
Автор туралы
Айбар Рысдаулет
Спортивный журналист и обозреватель. Специализируется на казахстанском футболе и олимпийских видах спорта. Побывал на Олимпийских играх в Токио и играх БРИКС.
Барлық авторлық жазбаларды көру
Алдыңғы мақала:
Головкин мен Мейвезер жұдырықтаса ма? DAZN-ның жазбасы жанкүйерлерді дүр сілкіндірдіКелесі мақала:
Астанада жаңа стадионның құрылысына 17,3 миллиард теңге бөлінді