Жанбота Алдабергенова спорттан кететінін мәлімдеді
Жанбота Алдабергенова
Қазақстандық фристайлшы Жанбота Алдабергенова мансабын аяқтағанын жариялады. Ол спорт өзіне керемет сезімдер, саяхаттар мен достар сыйлағанын айтып, бірақ енді жаңа кезең басталатынын жеткізді.
Алдабергенова үш Олимпиада, сегіз әлем чемпионаты мен 54 әлем кубогы кезеңіне қатысып, 14 рет жеңімпаз, 33 рет жүлдегер атанған. Олимпиада медалін ала алмаса да, қазақстандық фристайл тарихындағы үздік нәтижелердің біріне жетті.
Спортшының айтуынша, бұл шешімге желтоқсанда алған ауыр жарақаты себеп болған.
«Денсаулық – ең бастысы», – деп жазды Алдабергенова, өз жолында қолдау көрсеткен барша жанға алғыс білдіріп.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
