Михаил Шайдоров төрт құрлық чемпионатында топ жарды
Михаил Шайдоров
Ерлер арасындағы мәнерлеп сырғанаудан Қазақстан құрамасының көшбасшысы Михаил Шайдоров Сеулде (Оңтүстік Корея) өткен төрт құрлық чемпионатында алтын медаль жеңіп алды.
Шайдоров қысқа бағдарламадан кейін көш бастап тұрған еді. Еркін бағдарламада да жақсы өнер көрсетіп, басымдығын сақтап қалды. Төрешілер қазақстандық спортшының еркін бағдарламасына 190,37 балл берді. Екі бағдарлама қорытындысы бойынша Шайдоров 285,10 балл жинап, жеке рекордтарын жаңартты.
Күміс медальді 265,02 балл жинаған оңтүстіккореялық Ча Джун Хван иеленді. Қола жүлде 245,01 баллмен америкалық Джимми Маға бұйырды.
Тағы бір қазақстандық спортшы Диас Жиренбаев 166,34 балл жинап, жарысты 19-орынмен аяқтады.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
Алдыңғы мақала:
Ғасыр реваншы үшін Бетербиев пен Бивол қанша сыйақы аладыКелесі мақала:
Қазақстандық боксшы қарсыласын екінші раундта нокаутқа түсірді