Абдукодир Хусанов Чемпиондар лигасының тарихына енді
Абдукодир Хусанов
«Манчестер Сити» қорғаушысы Абдукодир Хусанов Чемпиондар лигасының тарихына енді. Ол – плей-офф кезеңінде негізгі құрамда алаңға шыққан 21 жасқа толмаған екінші футболшы.
19 ақпанда «Манчестер Сити» мен мадридтік «Реал» 1/8 финалға жолдама үшін таласты. Хусанов сол ойында алғашқы минуттан бастап алаңға шығып, толық 90 минут ойнады. Алайда оның жанкештілігі командасына жеңіс әкелмеді – ағылшындар 1:3 есебімен ұтылып қалды.
Айта кетейік, Хусановтың 21 жасқа толуына әлі он күн бар. Бұған дейін бұл көрсеткішке «Шальке-04» ойыншысы Каан Айхан ғана қол жеткізген. Ол плей-офф кезеңінде небәрі 19 жасында алаңға шыққан еді.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
Алдыңғы мақала:
Шавкат Рахмонов UFC-дегі титулдық жекпе-жектен неге бас тартқанын түсіндірдіКелесі мақала:
Жәнібек Әлімханұлы Карлос Адаместі қорқақ деп айыптады