Александр Шевченко Almaty Open ATP 250 турнирінің іріктеу кезеңінің финалына шықты
Александр Шевченко. Фото: Андрей Ударцев
17 қазанда Алматыда Almaty Open ATP 250 халықаралық теннис турнирінің іріктеу кезеңі басталды. Қазақстандық теннисші Александр Шевченко іріктеу сайыстарының алғашқы айналымынан сәтті өтті.
ATP әлемдік рейтингінде 111-орында тұрған 24 жастағы қазақстандық теннисші іріктеу кезеңінде үшінші нөмірмен тіркелді. Оның қарсыласы әлемдік рейтингте 178-орында орналасқан эстониялық Даниил Глинка болды.
Тартысты өткен кездесу үш сетке созылды. Шевченко алғашқы партияны 6:3 есебімен сенімді аяқтады. Алайда екінші сетте тай-брейкте 6:7 (3:7) есебімен қарсыласына жол берді. Шешуші партияда қазақстандық теннисші ойын барысын өз пайдасына өзгертіп, 7:5 есебімен жеңіске жетті.
Кездесу Александр Шевченконың пайдасына 6:3, 6:7 (3:7), 7:5 есебімен аяқталды. Матч 2 сағат 8 минутқа созылды.
Осы уақыт ішінде қазақстандық теннисші жеті эйс жасап, екі қос қателік жіберді. Сондай-ақ Шевченко қарсыласының жалғыз брейк-пойнтын қайтарды.
Осы жеңістің арқасында Александр Шевченко Almaty Open ATP 250 турнирінің іріктеу кезеңінің финалына жолдама алды. Енді ол негізгі кезеңге шығу үшін бақ сынайды.
