Юлия Путинцева камбэк жасап, Ухань турнирінің екінші кезеңіне өтті
Қазақстандық теннисші Юлия Путинцева Қытайдың Ухань қаласында өтіп жатқан WTA-1000 турнирінің екінші кезеңіне жолдама алды. Ол алғашқы матчта Түркия өкілі Зейнеп Сонмезді 6:7 (1:7), 6:3, 7:5 есебімен жеңді, деп хабарлайды Pin-UpSport.kz.
Кездесу 2 сағат 51 минутқа созылды. Путинцева бірде-бір эйс жасамады, бір рет қос қателік жіберіп, 16 брейк-пойнттің жетеуін пайдаланды. Ал Сонмез төрт рет қос қателік жасап, тоғыз мүмкіндіктің бесеуін брейкке айналдырды.
Келесі кезеңде қазақстандық теннисші ресейлік Диана Шнайдермен кездеседі. Бұған дейін қарсыластар екі рет ойнап, екі матчта да Путинцева жеңіске жеткен.
2023 жылы Юлия Шнайдерді Осакадағы турнирде жеңсе, 2025 жылы Аделаидада өткен WTA-500 санатындағы жарыстың ширек финалында одан басым түсті.
