Елдос Сметов пен Ғұсман Қырғызбаев Абу-Дабидегі Grand Slam турнирінің алдын ала тізіміне енді
Халықаралық дзюдо федерациясы (IJF) Біріккен Араб Әмірліктерінің Абу-Даби қаласында өтетін Grand Slam турниріне қатысушылардың алдын ала тізімін жариялады. Оған Қазақстан ерлер құрамасының жеті дзюдошысы енді, деп хабарлайды Pin-UpSport.kz.
60 келіге дейінгі салмақта Елдос Сметов пен Талғат Орынбасар тіркелген. 66 келіге дейінгі санатта Ғұсман Қырғызбаев пен Ақылжан Жұбатқанов өнер көрсетуі мүмкін.
81 келіге дейінгі салмақта Жалғас Қайролла, 90 келіге дейінгі салмақта Айдар Арапов, ал 100 келіге дейінгі салмақта Марат Байқамұров алдын ала тізімге енгізілген.
Айта кетейік, қатысушылардың алдын ала тізімі өзгеруі мүмкін. Абу-Дабидегі Grand Slam турнирі 29-31 қазан аралығында өтеді.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
