Шавкат Рахмонов 2027 жылы Майкл Моралеске қарсы жекпе-жекке ишара жасады
Жеңіліп көрмеген қазақстандық UFC файтері Шавкат Рахмонов (19-0) жартылай орта салмақтағы рейтингтің үшінші сатысында тұрған Майкл Моралеске (19-0) қарсы жекпе-жек өткізуі мүмкін екенін аңғартты. AgentMMA мәліметінше, жекпе-жек 2027 жылдың басында өтуі ықтимал, деп хабарлайды Pin-UpSport.kz.
Ықтимал жекпе-жек туралы әңгіменің шығуына Рахмоновтың әлеуметтік желідегі жазбалары себеп болды. Қазақстандық спортшы «19-0 VS 19-0» деген жазуы бар видео жариялап, кейін 2027 жылды көрсетіп, Моралеске тән өрмекші эмодзиін қолданған.
Бұған дейін эквадорлық файтердің өзі Рахмоновты қалаған қарсыластарының қатарына қосқан. Моралес UFC тарапынан басқа жоспар болмаған жағдайда, 2027 жылы қазақстандық спортшымен жекпе-жек өткізуге дайын екенін айтып, оны жартылай орта салмақ дивизионының «финалдық бастығы» деп атаған.
Рахмонов октагонға соңғы рет 2024 жылдың желтоқсанында UFC 310 турнирінде шығып, Иэн Мачадо Гэрриді төрешілердің бірауызды шешімімен жеңген. Қазақстандық спортшы кәсіби мансабындағы 19 жекпе-жектің барлығында жеңіске жетіп, оның 18-ін мерзімінен бұрын аяқтаған. Моралес те 19-0 көрсеткішіне ие. Эквадорлық файтер соңғы жекпе-жегін 2025 жылдың қарашасында UFC 322 турнирінде өткізіп, Шон Брэдины бірінші раундта техникалық нокаутпен жеңді.
