Қазақстандық жұптар Азия ойындарын жеңіспен бастады
Қазақстанның екі әйелдер жұбы Айти мен Нагояда өтіп жатқан Азия ойындарындағы жағажай волейболы турнирінің топтық кезеңіндегі алғашқы кездесулерінде жеңіске жетті, деп хабарлайды Pin-UpSport.kz.
F тобында Кристина Каримова мен Екатерина Рюхова Катар өкілдерін 2:0 есебімен жеңді. Қазақстандықтар алғашқы партияда 21:7, екінші сетте 21:6 есебімен басым түсті. Осылайша екі партияның қорытындысы бойынша қарсыластары бар болғаны 13 ұпай жинады.
E тобында Мерей Қожахмет пен Лаура Кабулбекова да турнирдегі алғашқы кездесуін жеңіспен аяқтады. Қазақстандық жұп Бангладеш өкілдерін 2:0 есебімен (21:6, 21:2) ұтып, қарсыластарына екі партияда небәрі сегіз ұпай алуға мүмкіндік берді.
Екі қазақстандық жұп та келесі кездесуін 25 қыркүйекте өткізеді. Каримова мен Рюхова жапониялық Сакура Ито және Маю Саваға қарсы ойнайды. Бұл жұп биыл Жаңа Зеландияның Маунт-Маунгануи қаласында өткен Beach Pro Tour Futures санатындағы кезеңде қола жүлдеге ие болған.
