Тихон Варехин мен Темірлан Абдраимов қазіргі бессайыстан Азия ойындарының финалына өтті
Қазақстандық спортшылар Тихон Варехин мен Темірлан Абдраимов Азия ойындарында қазіргі бессайыстан медаль үшін күресті жалғастырады. Екі спортшы да А тобындағы жартылай финалды сәтті өткізіп, жарыстың шешуші кезеңіне жолдама алды, деп хабарлайды Pin-UpSport.kz.
Тихон Варехин төрт кезеңнің қорытындысы бойынша 1 520 ұпай жинап, жартылай финалдық тобында төртінші орынға ие болды. Қазақстандық спортшы кедергілер жолағында 377, семсерлесуде 236 және жүзуде 309 ұпай еншіледі. Ал лазер-ранда 598 ұпай жинады. Осы нәтижесі оған ерлер арасындағы финалға өтуге мүмкіндік берді.
Темірлан Абдраимов 1 507 ұпаймен алтыншы орынға тұрақтады. Ол кедергілер жолағында 364 ұпай, семсерлесуде 250 және жүзуде 295 ұпай жинады. Лазер-ранда Абдраимов та 598 ұпайға ие болды. Нәтижесінде қазақстандық спортшылардың екеуі де қазіргі бессайыстан Азия ойындарының финалында ел намысын қорғайтын болды.
Қазақстанның тағы екі спортшысы жартылай финалдың В тобында өнер көрсетеді. Бұл кезеңде Кирилл Стадник пен Лев Чувашов финалға шығу үшін сынға түседі. Қазіргі бессайыстан ерлер арасындағы финал 20 қыркүйекте өтіп, Азия ойындарының жүлдегерлері анықталады.
